Pintaketa batzuk egin dituzte EAJren eta Sorturen aurka

Patxi Ruiz euskal presoari erreferentzia eginez, pintaketa batzuk egin dituzte EAJren Durangoko eta Abadiñoko (Bizkaia) batzokietan, baitaBilboko Alde Zaharreko herriko taberna-ren aurka ere. Pintaketa horrek Sortu «errudun» gisa seinalatzen du. EAJk «enegarrenez gaitzetsi» ditu bere egoitzen aurka egindako «erasoak», eta beste alderdiei eskatu die «irmoki» gaitzets ditzatela.