Castejongo eskolan PAI kenduko ote duten zain daude

Castejongo (Nafarroa) eskola publikoak bigarrenez eskatu dio Hezkuntza Departamentuari PAI programatik ateratzea, eta erantzun zain daude. Atzo Maria Solana Geroa Baiko parlamentaria eta Bakartxo Ruiz EH Bildukoa izan ziren Euskalerria irratiko Metropoli forala saioan, eta eskaera hori bideratzeko deia egin zioten departamentuari. Maiatzaren Bigarrena ikastetxe publikoak iaz eskatu zuen lehenbiziko aldiz PAItik ateratzea, baina departamentutik ez zieten halakorik onartu, programatik atera ondorenerako lantaldearen aurreikuspena egitea falta zelako. «Hezkuntza Departamentuko teknikariek halako izapideak egiten laguntzen duten arren», Solanaren hitzetan. Aste honetan berriz eskatu dute PAI kentzeko, eskola kontseiluak ahobatez hala erabakita.