Marcelino etxean hasiko da gaur, Bartzelona aurkari

Iritsi bezain azkar dauka Marcelino Garcia Toralek aurreneko partida Athleticekin: gaur bertan. San Mamesen du estrainekoa, gainera, zeinen eta Bartzelonaren aurka (21:00). Ligako bigarren jardunaldiari zegokion partida da. Entrenatzaile berriak atzo azaldu zuen ez dela estatistiken oso zalea, baina kataluniarren aurka, Athleticek hiru partida daramatza galdu gabe etxean. «Irabaz diezaiekegu; asmatu egin behar», esan zuen atzo Marcelinok.