Proposamena «beherapena» da, Ahal Dugu-ren ustez

Ahal Dugu-k uste duEH Bilduk «arlo soziala ahaztu» egiten duela «arlo nazionala» lehenesten duelako, eta horregatik aurkeztu dio EAJri «prezio merkeko proposamen bat» aurrekontuen inguruan. Idazkari nagusi Lander Martinezek esan duenez, «beherapena» da EH Bilduren jarrera gai honetaz. Elkarrekin Podemosek aurkeztutako hamabost neurriek, aldiz, «bira argia» ekarriko liekete EAJren politikei, Martinezen ustez.

Kritikak kritika, Ahal Dugu-k «aldaketaren gobernuak» eratu nahi ditu EAJren politikei aurre egiteko, eta, horretarako,EH Bildu eta PSE-EE nahi ditu bidelagun. Martinezen ustez, aldaketa hori «gauzatzen» hasia da Espainian, eta Arabara, Bizkaira eta Gipuzkoara ere ekarri nahi dituzte «aldaketarako gobernu aurrerakoiak» bi indar politiko horiekin batera.