Ez zaitez, ez zaitez, ez zaitez joan
[oraindik,
ez zaitez, ez zaitez , ez zaitez
[urrun gugandik.
Kuadrillan ez dugu Oskorriren
[abestia kantatu,
baina bakoitzak desio hori izan
[duela ziur nago.
Azkenean joan zara eta hutsune
[handia utzi diguzu.
Ezin ahaztu zure jarrera baikorra,
[borondate ona,
beti umoretsu, saltsa anitzetako
[perrexila,
herriko mugimenduetan
[murgilduta, geldiezina,
prest beti zerbait antolatzeko
[edo laguntza emateko,
Faveletan lo egin arren, parte
[zaharra gustuko zenuen
herria beti aurretik,
[independentzia helburu,
presoak beti gogoan, beraien
[alde borrokatu
erdi eskumotz izanda ere,
[eskuzabal jokatu
Zure sukaldari sena bazkari edo
[afari askotan ziurtatu zen,
Zu marmitako egiten edo
[sardinak erretzen nola
[demontre ahaztu? Eta
[parrandetako «kroketa» edo
[jaietako «zezen suzkoa»?
garaiko tradizioak jorratu
[zenituen baita ere
eta sagardogile izan zinen
[«Txurizko» sortzen.
Orain goibelduta daude
[Arranoko lapikoak.
Beleako kupela triste dago eta
[hango aulkitxoaren
[negar-zotinak Ikatz kale osoan
[entzuten dira dagoeneko
Gauza asko izan zinen, txistulari,
[kantari, sukaldari,
[kalderero, danbor jole,
[zingara, Marijaia, Mari,
[etabar luzea
Aldi berean, euskal kultura
[antolatzen, bultzatzen,
[borrokatzen. Baina, guzti
[horren gainetik,
ezkertiar abertzalea eta
[euskararen militantea
[izan zinen.
Ez zaitugu inoiz ahaztuko.
Agur lagun paregabe
Garaipen egun arte
Zure kuadrilla
BERTSOAK
Iruzkinak
Ez dago iruzkinik
Ordenatu