Herbizidaren hondarrak, garagardoan
Municheko Ingurumenaren Institutuak ikerketa bat egin zuen iragan otsailean, Alemaniako garagardo marken kalitatea neurtzeko, eta glifosato hondarrak aurkitu zituzten aztertutako hamalau garagardotan. Legeak ezarritako gehienezko kopuruaren mugan leudeke hondar horiek. Besteak beste, Leffe, Corona eta Budweiser garagardoak ekoizten dituen Anheuser-Busch InBev enpresaren laginetan aurkitu zuten arrasto gehien: 29,74 mikrogramo litroko. Osasunerako arrisku oro ukatu du Alemaniako Gobernuak, baina, talde ekologisten aburuz, 0,1 mikrogramo glifosfato aski lirateke kalteak eragiteko.
Iruzkinak
Ez dago iruzkinik
Ordenatu