Albistea entzun
Emakumeen aurkako indarkeriari ez
Emakumeen aurkako indarkeriari ez

EKOGRAFIAK

Ez datorren etorkizuna

Jokin Labaien -

2018ko uztailak 31

Kaletik zoazela, haurrak aitona-amonei: «Amona, gaur bihar da?». Ezin diozu barreari eutsi. Imajinatu duzu haur bizi eta zorrotz hori, behin eta berriz eskean, «bihar, hori bihar...» erantzuna jasoz. Ulertu ezinik ziur asko denboraren joana, eta nekean, galdera perfektua egin du azkenean. Erantzun dakioke edonola galderari, zuzen izan ezik. «Bihar, hori bihar...» moduko bat gertatzen da, beste hainbatekin bezala, telebistarekin ere. Duela zazpi urte pasa lerro batzuk eskaini nizkion gaiari, zutabe honetan. Cisco Systems enpresa multinazionalak egindako ikerketa baten berri ematen nuen. Hain zuzen ere, etorkizuneko telebista nolakoa izango zen irudikatu eta iradokitzen zuen, 50 adituren esanak bilduz. Honako hauek aurreikusten zituen: kateen desagerpena; keinuek telebistako mandoa ordezkatuko zutela; pantaila malguak, bilgarriak, eramangarriak eta tamaina anitzekoak; publizitate interaktiboa eta ikus-entzule bakoitzaren neurrira egina; sare sozialen, jolasen eta bestelako bideen bidezko ikus-entzuleen parte hartzea; edukiak partekatu eta jarraitzeko komunitate birtualen sorrera; ekoizpenak eta produktuak usaindu eta dastatzeko aukera; edonon telebista ikusteko aukera; telebistak ikus-entzuleei haien ekoizpenak gizarteratzeko modua eskaintzea; haien iritzia aintzat hartzea ekoizpenak sortzeko orduan...

Bete dira aurreikuspen horietako batzuk. Bete dira, hein batean. Eta, hala ere, ez dakit ekarri duten 2011n horiek irudikatze hutsak sortzen zuen irrika, arrakala eta baita aldaketa orok eragiten duen izua ere. Berritik duen adina baitu gaur, zazpi urteren ondoren, zaharretik telebistak. Aldaketa horien ernamuina bizi ohituretan baitago, inon egotekotan, telebistaren funtzionamenduan baino gehiago. Gailuan eta haren erabileran bainoago, mamian, eskaintzan, begiradan, funtzioan sakontzetik etorriko baita, etortzekotan, telebistak izan dezakeen aldaketarik eta berrikuntzarik handiena. Telebista non eta nola ikusi anekdotikoa izango da, dirutzak mugitu arren. Ekarpenaren berritasuna, izango bada, zer, zergatik eta zertarako telebista ikusi izango da. Eta, horretan, oraingoz eta oraindik, gaur ez da bihar. Eta ni, agian zu bezala, haurtxo bat baino ez naiz, aitona-amonei galdezka, erantzunik jaso gabe, galduta, ulertu ezinik eta frustrazioz beteta.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Lagun talde bat Bilboko Pabiloi 6 antzeztokiaren aurrean, artxiboko irudi batean. ©MARISOL RAMIREZ / FOKU

Abandonutik ekosistemara

Amaia Igartua Aristondo

Hutsik dauden industria nabeak erabili dituzte artista batzuek kultur proiektuak sortzeko. Bilboko Zorrotzaurren, Pabiloi 6 da ereduetako bat. Guneon ekarpenak aletu dituzte 'Bigarren ekitaldia' filmean.
Jamalus Orion taldeko kideak League of Legends jokoaren norgehiagokan, atzo, Bilboko BAT dorrean. ©OSKAR MATXIN EDESA / FOKU

Gatazkaren zuzeneko kontaketa

Amaia Igartua Aristondo

Bilboko BAT dorrean League of Legends online bideojokoaren lehiaketa bat antolatu dute. Bataila jokoa da, baina futbol partida bat bezala kontatu dute, eta sarraskiak txalotu dituzte ikusleek.
Joseba Ossa, etxeko saunan. ©JON URBE / FOKU

Sauna, bizitzaren ardatz

Ane Insausti Barandiaran

Finlandian oso errotuta dago saunaren kultura, eta bai helduek eta bai gazteek eusten diote tradizioari. Euskal Herrian ere badira zaleak, eta esperientzia «sakona» dela diote. Hainbat ikerketaren arabera, ona da osasunarentzat.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.