EKOGRAFIAK

Hegoak ebaki banizkio...

Mikel Alvarez -

2020ko martxoak 26

Duela hilabete batzuk hitz egin nizuen Ekografiak hauetan, gaur egun, bizirik jarraitzen dutenen artean, nire telesail kutuna denaz: The Expanse (Amazon Prime Video). Euskaldunei egiten dizkigun keinuez harago, telesail borobila dela aipatu nizuen zutabe hartan. Eta, baita ere, hirugarren denboraldiak eskaintzen zuen aukera amaiezinez beteriko unibertsoak laugarren denboraldiari heltzeko irrikaz ninduela.

Ba azkenean, nahi baino gehiago kostatu zait, The Expanse-ren laugarrenari behar eta merezi zuen denbora eta arreta eskaini ahal izatea. Itxialdi honek ere baditu bere gauza onak, ez ukatu. Espektatibak oso altuak ziren, eta, Twitterren telesail horrek duen jarraitzaile samalda zoroak eginiko kritiken ostean, beldur apur bat ere banuen telesailari heltzeko, egia esan. Hortik, agian, hainbeste atzeratzea denboraldia ikusteari ekiteko unea.

Orokorrean, ez zegoen kritika suntsitzailerik, baina desilusio apur bat ere sumatu nuen hirugarren denboraldiaren amaierak sortutako espektatiba altu horien ondorioz. Ikusi ondoren, ulertzen dut hainbat ikusleren erreakzioa, baina ez dut ezer esateko telesailak hartu duen norabidearen aurka. Ukaezina da, hirugarrenaren amaieran, guztioi, Stargate kultuzko telesaila etorri zitzaigula burura. Baina The Expanse ez da Stargate, eta hori oso argi dute sortzaileek. Laugarren denboraldiak The Expanse izaten jarraitzen du, eta bertan hartu duten bidea oso argi dutela erakusten diguten hainbat pista eta bide erakusten zaizkigu. Badakite nora doazen, eta horrek itxaropenez betetzen nau. Aurreko astean, Altered Carbon telesailaz hitz egin nizuen, eta badirudi The Expanse-k ez duela Netflixeko ekoizpenak egindako akatsa errepikatuko. The Expanse-k The Expanse izaten jarraituko du, eta ez beste gauza bat. Eta eskerrak, horregatik baita hain ederra. Imajinatzen zein aspergarria izango litzatekeen mundua gure gustuko telesailetan guk nahi duguna eta nahi dugunean gertatuko balitz? Txoria, hegoak eta gauza horiek, badakizue. Hegoak ebaki banizkio... Stargate izango zen.

Bide batez, jakin laugarren denboraldian ere badira euskaldunoi eginiko keinuak. Beste batzuen artean, Primo eta Segundo Arriaga izeneko pertsonaiak agertu zaizkigu, azken aurrekoan zendu zen Iturbe doktorearen ordez.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©BERRIA

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan. Gaur, koronabirusaren larritasuna.

Santos Indurain Osasun kontseilariaren agerraldia, artxiboko irudi batean. ©Jesus Diges, EFE

Nafarroako egoera «egonkortzen» ari dela esan gobernuak

Uxue Rey Gorraiz

Azken egunean, 223 positibo atzeman dituzte foru erkidegoan. Kutsatuen kopuruak behera egin du bigarren egunez jarraian.

EHUko ikasle batzuk, artxiboko irudian ©Luis Jauregialtzo / Foku

EHUk espedientea ireki dio irakasle bati, eskolak maskararik gabe ematen zituelakoan

Irati Urdalleta Lete

Farmazia Fakultateko irakasleak positibo eman du PCR proban. Hamabost eguneko epean ebatziko dute espedientea.

PCR probak, Gurutzetako ospitalean. ©Luis Jauregialtzo

Ia ehun kasu gutxiago atzeman dituzte egun bakarrean

Uxue Rey Gorraiz

Azken egunean, 608 kasu detektatu dituzte Hego Euskal Herrian. Positiboek behera egin dute Nafarroan, Bizkaian eta Araban; Gipuzkoan ugaritu egin dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna