Azoka
Sormena ogibide bihurtzeko plaza
Dinagu kolektiboaren azoka ibiltaria Laudion (Araba) izanen da gaur, Faktorian. Emakume sortzaileei plaza eskaintzen dien egitasmoa da Nomadak Gaitun azoka, sormena ogibide bihurtzeko ahalegina. Gaur 18 postu eta artista izanen dira Faktoriako goiko eta beheko plazetan muntatu dituzten zirkuituetan. Antolatzaileek azaldu dutenez, Euskal Herriko bitxigintza, moda, ilustrazioa, zeramika, kosmetika eta zenbait osagarriren eskaintza alternatiboa «ikusi, ukitu, probatu eta erosi» ahal izanen da. Azoka 18:30ean itxiko dute, eta 21:00etan Maite Larburuk kontzertua eskainiko du. Kontzertuko sarrerak 12 euro balio du; 10 euro bazkideentzat.
Iruzkinak
Ez dago iruzkinik
Ordenatu