Bisita gidatua
Esnearen jatorria ezagutzeko parada
Tradizioa aktualitatearekin lotzeko asmoz, Nondik dator esnea? izeneko bisita gidatua antolatuko dute bihar Lazkaoko (Gipuzkoa) Iztueta baserrian, 11:00etatik aurrera. Baserritarrek beren egunerokotasunean lanean jarduten duten txoko ezberdinak ezagutzeko parada izango dute bisitariek, hala nola abere tokia, ukuilua, zelaiak eta baserria bere osotasunean. Esnetegian ere izango dira, behiak nola jezten diren ikusteko eta, ondoren, esneak zer-nolako prozesua izaten duen jakiteko. Bestalde, bisitara bertaratzen direnek baserrian bertan ekoitzitako produktuak dastatzeko aukera izango dute, baita inguruko paisaiaz gozatzekoa ere.
Iruzkinak
Ez dago iruzkinik
Ordenatu