Hegoaldean ere, ordezkoak finko egingo dituzte

Espainiako Kongresuko Ogasun eta Funtzio Publikoko batzordeak ontzat eman zuen atzo enplegu publikoen behin-behinekotasun tasa gutxitzeko legegaia, eta ganbera horretako osoko bilkurara bidali zuen, PSOE, UP, ERC eta EAJren botoen bidez. Haren bidez, lanpostu publiko bera gutxienez bost urtez bete duten ordezko langileek lanpostu hori eskuratu ahal izango dute lehiaketa baten bidez, baina oposiziorik egin gabe. Zuzenketa baten bitartez, legegaia Hego Euskal Herrian ere ezarriko dute.