Bizikleta manifestazioa egin zuten larunbatean Angelun (Lapurdi), bizikletan segurtasunez joan nahi dutela aldarrikatzeko. Bizi mugimenduak antolatu zuen Txirrindiraultza deitutako protesta, eta jende anitz bildu zuen Herriko Etxearen aurretik abiatu zen martxan. Bizikletarekin ateraldiak «segurtasun handiarekin» egiteko zailtasunak agerian utzi nahi izan dituzte, Xabier Harlouchet Bizi taldeko kidearen arabera.
«Angeluko Herriko Etxeak ez du bere betebeharra egiten autoari alternatiba bat egiteko; egiten duela esaten du, baina ez du legea ere betetzen», azaldu du Biziko kideak. Elkarte ekologistak salatu du berotegi efektua sortzen duten gasen isurketen lehen jatorria garraiobideak direla; beraz, bizikletendako antolaketa seguruak eskatu dituzte, modu horretan egunero egiten diren toki aldatzeetan autoaren erabilera «azkarki ttipitu» daitekeelakoan.
Bizikletan segurtasunez ibili nahi dute Angelun
Iruzkinak
Ez dago iruzkinik
Ordenatu
