Bostgarrenez, Gatz Eguna egingo dute gaur Leintz Gatzagan. Herriak lotura estua dauka gatzaren industriarekin; izena ere hark eman zion. Lotura hori ospatzeko, bisita gidatu bereziak antolatu dituzte Gatz Museoan. Baina beste hainbat ekintza ere prestatu dituzte: 10:00etan Baso gazia baso bizia mendi ibilbide gidatua eta Leintz Gatzagako pagadiak ezagutzeko ibilbideak egingo dituzte. Gero, Baso bainuak ibilbide lasaia egingo dute, naturan bost zentzumenekin murgiltzeko. Produktu ekologikoen azoka, sukaldaritza tailerra eta lixiba egiteko erakustaldia ere antolatu dituzte.
Gatz Eguna
Gaur, Leintz Gatzagan (Gipuzkoa), 10:00etan hasita.
Festa
Herriaren ardatza ospatzeko eguna
Iruzkinak
Ez dago iruzkinik
Ordenatu
