Zirtzilen hondarreko hitzak

Udaberria ate joka ari da, eta zirtzilei ailegatu zaie partitzeko tenorea. Aurtengo azken libertimenduak ikusteko parada izanen da asteburu honetan. Gaur Hazparnen (Lapurdi) ariko dira zirtzilak, dantzariak, musikariak eta bertsolariak jendaurrean. 10:30ean abiatuko da karrika ingurua, eta ordu erdi geroago eginen dute emanaldi nagusia, Haritz Barne plazan. Azkenengo libertimendua bihar eginen dute, Bunuzen (Nafarroa Beherea). Oztibarreko gazteak ariko dira herriko plazan, 11:00etan. Aurretik, karrika ingurua eginen dute, 10:30ean abiatuta.

Libertimendua

Gaur, 11:00etan, Hazparnen (Lapurdi) eta bihar, 11:00etan, Bunuzen (Nafarroa Beherea).