2019ko urtarrilaren 12a
00:00
Euskal Herriko beste edozein lekutan baino lehenago hasiko dituzte inauteriak Uitzin. Herriko festarik garrantzitsuenak izaten dira, Gabonak igaro eta berehala, Errege Egunaren hurrengo asteburuan. Gaur goizean, jantzi eta trapu zahar batzuk soinean aterako dira herritarrak kalera, eta bertan egingo dituzte otorduak, trago artean, elkarrekin. Etxeko festa izaten da, eta herritar guztiek elkarrekin igaroko dute asteburua, janean eta edanean: eurek antolatu, eurek ondo pasatzeko. Bihar, etxez etxe ibiliko dira guztiak mozorrotuta, janari eta diru eskean, trikiti eta panderoaren doinuari jarraituta.
Inauteriak
Gaur eta bihar, Uitzin (Nafarroa), egun osoan.