Jaia
Artea zenbat hazi den neurtzeko eguna
Usadioari jarraikiz, San Balendin jaiak ospatuko dituzte bihar Zeanuriko (Bizkaia) Eleizondo auzoko Piedadea izenez ezagutzen den ermitaren inguruan. Aurten ere jarduera ugari antolatu dituzte; besteak beste, 11:30eko mezaren ostean, ermitaren aurrean dagoen Piedadeko artea neurtuko dute. 1958an landatu zuten artea, eta zuhaitza neurtzeko ohitura orain dela 62 urte eleizondotarrek hasi zuten. Urte batzuetan galduta egon ondoren, usadioa berreskuratu, eta Piedadeko artearen neurketari ofizialtasun izaera eman zioten. Herriko txistulariek eta bertsolariek alaituko dute giroa.
Iruzkinak
Ez dago iruzkinik
Ordenatu