Jaia
Asteburu luzea Euskal Jaietan
Gaur izango da Hernaniko Euskal Jaietako egun handia. Euskal jantziak soinean ibiliko dira; abeltzain azoka egingo dute 10:00etatik aurrera, eta berehala hasiko dira baserriko bizimodua gogora ekartzen, lanbideen erakustaldiarekin eta antzinako jokoekin, Ezkiaga pasealekuan. Txakolina dastatu ondoren, kalez kale kantari ariko dira eguerdian, eta herri kirolak egingo dituzte 12:30ean. Musikarik ere ez da faltako: 19:45ean, musika bandak joko du udaletxeko arkupeetan, eta Iratzar taldeak bi saio emango ditu Ezkiagan, 20:00etan eta 22:00etan. Bihar, Sagarraren eta Sagardoaren Eguna egingo dute.
Iruzkinak
Ez dago iruzkinik
Ordenatu
