Simeoni erne ari zaio kasu egiten bake prozesuari

Gilles Simeoni Korsikako presidentea Baionan izan zen atzo. Euskal Herriko eta Korsikako errealitateak ezberdinak direla aitortu arren, Euskal Herriko bake prozesuari hurbiletik erreparatzen ari zaiola esan zuen. Simeonik azpimarratu zuen Korsikan ere FNL taldeak armak utzi dituela eta han ere «orrialde berri bat» irekitzen ari direla. Gehitu zuen Euskal Herriak eta Korsikak badutela ezaugarri komun bat: «demokratikoki eta libreki erabakitzeko nahia». «Ikuspuntu berri batekin eraikitako nazioak nahi ditugu. Gure nazionalismoak Frantziakoaren eta Espainiakoaren aurkakoa dira; irekiak eta barneratzaileak dira», azpimarratu zuen Simeonik.