Arau kaltegarrien artean «bat eta erdi» indargabetu dute

ELAren ustez, 2010eko eta 2012ko lan erreformek 11 arau oso kaltegarri zituzten, eta proposamen berriak «bat eta erdi» indargabetu ditu bakarrik. Peio Igeregi negoziazio kolektiboko arduradunak egin du ELAren entresaka teknikoa, eta azaldu du «hobekuntza neurtu» horietako batzuk Auzitegi Gorenaren ebazpenei esker lortu direla. Beraz, ELAren ustez, ondorioa «argia» da: «Sinatzaileek 2012ko elementu nagusiei eutsi nahi diete, eta uko egin diete aldaketa sakonei». Hobekuntzen artean, ultraaktibitatea mugagabe bihurtu izana eta obra kontratuaren amaiera aipatu ditu Igeregik.