Irudia. Donostia
Gipuzkoa osora zabaldu dute protesta
Gipuzkoako zahar etxeetan eta eguneko zentroetan greban dauden langileek amaitu dute herrialde osoan zehar egin duten martxa. Donostiatik abiatu ziren, urriaren 7an, eta leku berean amaitu zuten, atzo. Zaintzaileak zainduz, bizitzak zaindu lelopean, manifestazioa egin zuten Gipuzkoako hiriburuko kaleetan, eta foru aldundiaren egoitzaren aurrean amaitu zuten. Protestak iraun duen egunetan, Beasainen, Ordizian, Zumaian, Zarautzen, Irunen, Eskoriatzan, Arrasaten, Tolosan, Villabonan, Errenterian, Elgoibarren, Azkoitian eta Azpeitian izan dira grebalariak, gatazkaren berri emanez, eta herri horietako batzuetako udal agintariekin bildu dira. Langileek duela bi urte ekin zieten negoziazioei patronalarekin. Gipuzkoako Foru Aldundiari egotzi diote akordio batera heldu ez izanaren erantzukizun nagusia. 118. greba eguna izan zuten atzokoa.
Iruzkinak
Ez dago iruzkinik
Ordenatu