Steilas eta ELA protestan lan kargak salatzeko

Steilas eta ELA sindikatuek protestak egin zituzten atzo, hezkuntzako eragileen lan baldintzak salatzeko. Steilasek ikastetxeetan eta Eusko Jaurlaritzaren eta Nafarroako Gobernuaren egoitzetako atarian egin zituen elkarretaratzeak; ELAk, berriz, Hezkuntzako Bizkaiko ordezkaritzaren aurrean. Steilasen hitzetan, lan kargak «bikoiztu» zaizkie, eta, hori horrela, beharrezkotzat jo dute baliabideak eta lan baldintzak indartzea. ELAren iritziz, «jasanezinak» dira eskola publikoetako lan kargak, baliabideak eta ordezkapenak falta zaizkie, eta «inprobisatzen» ari dira.