Noiz sortua: 2020-06-28 00:30:00

Azken oztopoa finalera bidean

Baskoniak ACB ligako finalerdia jokatuko du gaur, Valentziaren aurka (20:00). Aurkariaren erasoko jarioa geratzea funtsezkoa izango da
Shields erasoan, Abalderi ihes egin nahian, iazko abenduan.
Shields erasoan, Abalderi ihes egin nahian, iazko abenduan. MANUEL BRUQUE / EFE Tamaina handiagoan ikusi

Aitor Manterola -

2020ko ekainak 28

Pauso batera dauka Kirolbet Baskoniak ACB ligako beste final bat jokatzeko aukera. Bederatzigarrena litzateke. Garaipen bat baino ez du behar horretarako, eta Valentziari irabazi beharko dio gaur (20:00, Vamos), aurkariaren etxean, ateak itxita eta ezohiko sistemarekin jokatzen ari diren azken fasean. 18. finalerdia izango da Baskoniarentzat.

Bigarrena izan da Dusko Ivanovicen taldea A multzoan, eta garaile atera da Valentzia B multzoan. Hangoen aldean, egun bat gehiago izan dute atseden hartzeko arabarrek, eta, gainera, osteguneko partidan, ez zuten jokatu Tornike Xengeliak eta Pierria Henryk. Beste jokalari batzuk ere ohi baino gutxiago aritu ziren. Etxeko taldeak, aldiz, herenegun sailkatu beharra zuen finalerdietarako. Bi taldeetan daude jokalari bat edo beste arazo fisikoekin, eta estuen dabiltzanak Baskoniako Jayson Granger joko antolatzailea eta Valentziako Alberto Abalde hegalekoa dira. Grangerren kasuan, osteguneko partidan, Joventuten aurka, ezkerreko orpazurdan min hartu zuen, baina ez du hausturarik. Ivanovicek atzo hitz egin zuen minbera dauden jokalariez: «Denek egon behar dute, eta hala izango da. Ez dago aitzakiarik».

Partida berdindua aurreikusten da. Hala ematen dute aditzera denboraldi honetako datuek. Ligan, azaroaren 24an jokatu zuten lehen itzuliko partida, Gasteizen, eta Baskoniak irabazi zuen (85-74). Hiruko jaurtiketetan egin zuen aldea orduan Velimir Perasovicek zuzentzen zuen taldeak. Bigarren itzuliko partida ez zen jokatu, COVID-19aren pandemiaren eraginez. Euroligan ere jarri dira parez pare denboraldi honetan, behin bakarrik, eta gaur finalerdia jokatuko duten leku berean, Fonteta pabiloian. Astindua eman zion etxeko taldeak Baskoniari (105-77). Perasovicen taldeak hamasei baloi galdu zituen, eta, gainera, etxekoak baino traketsago ibili ziren hirukoetan.

Erasoan, indartsu etxekoak

Gaurko partida aurrera atera nahi badu, Baskoniak zaintzako lan oso ona egin beharko du. Izan ere, erraz ari dira erasoan Valentziako jokalariak. Defentsako lanari eman dio garrantzia Ivanovicek: «Baloia oso ondo ari dira mugitzen erasoan, eta asko asmatzen kanpoko jaurtiketetan. Erasoko errebotean ere min egiten dabiltza. Ondo defendatu eta geratu beharko ditugu».

Barruko jokoan ere ondo ari da Valentzia, eta, batez ere, Mike Tobey ari da nabarmentzen. Bojan Dubljevicen ekarpena ere oso kontuan hartzekoa izaten da ia beti, eta esparruaren barruan Baskoniak zer baliabide erabiliko duen galdetu zioten atzo Xengeliari: «Gure jokalari garaiak kanpotik aritzea aukera bat izan daiteke, baina horrek kanpoko jaurtiketak sartzea eskatzen du, bestela erreboteak haiek hartuko dituzte eta».

Astearteko finalean ariko den beste taldea zein izango den ere gaur jakingo da: Burgos edo Bartzelona izango da (17:00).

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Ordizian Barrena parkearen goiko aldean, osasun etxearen alboan jarri duten gunea. / ©Jon Ruiz

Ordizia, Etxezarreta kaleko zerbitzarien emaitzen zain

Jon Ordoñez Garmendia

Ekainaren 27az geroztik Etxezarreta kaleko ostatuetan ibili direnei PCR probak egiteko eskatu die Osakidetzak, badaezpada, eta ilara luzea sortu da horretarako jarritako gunean. Ordiziako Udalak bertan behera utzi ditu gaur hastekoak ziren udalekuak, eta Ordiziako EH Bilduk, kanpaina.

Herritar batzuk PCR proba egiten, Ordizian ©Jon Urbe / Foku

Hego Euskal Herriko herritarren %4,3k izan dute COVID-19a

Irati Urdalleta Lete

Seroprebalentzia azterketaren emaitzen arabera, ia 124.000 pertsona kutsatu dira Hego Euskal Herrian.

Maskara sorta salgai ©Marisol Ramirez / Foku

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna