«Atzerrian jaso dugu etxean izan ez dugun aitortza»

Jon Odriozola Euskadi Muriaseko zuzendariak ilusioz ekingo dio sasoiari. «Aitortza iritsi zaigu, antolatzaileena, Tourrarena... Atzerrian gehiago, baina Euskaltelekin ere hala zen, zailena aitortza etxean lortzea da. Tira, zaleena ez, haiengandik ezin da gertutasun handiagoa jaso». 2018ko emaitzak errepikatzea oso zaila izango dela badaki, eta «gozatzeko» urtea dela uste du. Era berean, ez du ezkutatu «etsigarria» dela babes ekonomiko gehiago ez aurkitu izana. «Zer gehiago egin behar dugu?».