Manifestazioa, metroko lanak gelditu ditzaten

Satorralaia bizilagunen mugimenduak manifestazioa egingo du azaroaren 24an, Donostiako metroaren lanak geldi ditzatela eskatzeko. Azaldu dutenez, azken hilabeteetan metroko lanetan izandako gertakariek berretsi egin dituzte lan honen kontra egiteko mugimenduak erabilitako arrazoiak. Jaurlaritzari eskaera bat egin diote, gainera: Mirakontxa eta Easo arteko lanak gelditzeko arrazoien inguruko informazioa «jendaurrean eta gardentasun osoarekin» argitara emateko. Ez baita lehen aldia Donostiako metroaren lanek zeresana ematen dutela. Izan ere, Mirakontxa eta Easo arteko lanak gelditu aurretik, metroko lanek Zubieta kaleko eraikin bateko sotoan zulo bat sortu zuten ekainaren 5ean. Obrak geldi ditzatela eskatzeko, mugimenduk kideek herritarrei dei egin die mobilizaziora joan daitezen.