Ion Kepa Parot askatzeko eskaera egin dute Baionan

Ostegunean jakin zen Ion Kepa Parot euskal presoak positibo eman zuela COVID-19aren proban, eta, atzo, Baionako suprefeturaren aitzinean elkarretaratzea egin zuten, gaixorik dauden presoen askapena eskatzeko. Parotek 70 urte beteko ditu maiatzean, eta 31 urte daramatza preso. Egun, Mureteko (Frantzia) kartzelan dago, Euskal Herritik 425 kilometrora, eta ziegan bakartuta daukate. Euskal presoari bost aldiz ukatu diote baldintzapean aske geratzea.