Bidasoaldeko eta Nafarroako Bortzirietako berrogei elkarte biltzen dituen Osasun Bidasoa herritarren plataformak bere aldarrikapenak eraman ditu Eusko Legebiltzarrera. Kexu dira Bidasoko eskualdeko ospitalean eta Irungo (Gipuzkoa) anbulatorioetan leku arazo handiak direla «kalitatezko osasun arreta» emateko, eta osasun azpiegituren plan bat egitea nahi dute, bai espazio arazoak konpontzeko, bai herritarren arta bermatzeko.
Eusko Legebiltzarrean hizpide hartu dute gaia, Elkarrekin Podemos-IUren eskutik. Jaurlaritzari Eskatu dio egin dezala eskualderako osasun plan integral bat osasun langileen eta eragile sozialekin batera, arazoei aurre egiteko. EH Bilduren eta PP+C's-ren babesa jaso du proposamenak. Ordea, EAJk eta PSE-EEk ez dute ekinbidea babestu, eta asmo orokorrak jasotzen dituen testu bat onetsi dute.
Osasun Bidasoa plataformak plan integrala eskatu du
Iruzkinak
Ez dago iruzkinik
Ordenatu
