'Minigonen jai' bat egitea galarazi dute Gasteizen
Gasteizko dantzaleku batek bihar minigonen festa deituriko ekitaldia egiteko asmoa zuen, baina galarazi egin dio Gasteizko Udalak. Jaiaren antolatzaileen —Perseus dantzalekuaren— asmoazen debalde sartzen uztea gona motza zeramaten neska guztiei eta sariak ematea gona laburrena zeramanari etajantzi «limurtzaileena» hautatzen zuenari. Ekitaldia «sexista, baztertzailea eta andreen duintasunaren aurkakoa» litzatekeela uste du Gasteizko Udalak, eta horregatik galarazi du. Iñaki Prusilla zinegotziak adierazi du ekitaldi hori antolatzeak Ikuskizun Publikoen Legearen 6. artikulua urratzen duela, eta zigorra merezi duela: gutxienekoa 30.000 euroko isuna litzateke, eta larriena, aldi bateandantzalekua ixtera derrigortzea.
Iruzkinak
Ez dago iruzkinik
Ordenatu