Albistea entzun

Eraso matxistei, oihartzuna

Isilpean eta ezkutuan geratzen den indarkeria matxistarekin kezkatuta, Amurrioko Otsemeak talde feministak tresna bat sortu du erasoak anonimoki salatzeko: 'Entzun gaitzatela!'.
<em>Entzun gaitzatela!</em> kanpainaren kartela, Amurrion.
Entzun gaitzatela! kanpainaren kartela, Amurrion. JAIZKI FONTANEDA / FOKU Tamaina handiagoan ikusi

Oihane Puertas Ramirez -

2021eko urriak 10

Eraso matxistak salatzean, «jo puntuan» jartzen dira emakumeak: haien hitzak eta ekintzak epaitzeko joera oso hedatuta dago oraindik; auzoetan edo herri txikietan, gainera, erasotzaileak ezagunak direnean, gertutasunak zaildu egiten du erasoez argi mintzatzea. Horregatik, emakume «askok» nahiago izaten dute «gertatutakoa ahaztu» eta «inori ez kontatu». Kezka horretatik abiatuta sortu du Otsemeak Amurrioko (Araba) neska gazteen taldeak Entzun gaitzatela! kanpaina; erasoak modu anonimoan salatzeko tresna eman nahi die emakumeei, ez daitezen ezkutuan geratu.

Eider Garcia Otsemeak-eko kidearen arabera, erasoak salatzeko eta «desnormalizatzeko» tresna gisa erabiliko dute plataforma hori. Izan ere, «azken boladan» eraso matxistek gora egin dute Amurrion: «Pandemiaren harira, herrian sozializatzeko nahi handia dago, baina sortzen ari den jai giroa ez da batere osasungarria, besteak beste, alkoholaren kontsumoan oinarritzen delako. Horrek zuzenean eragiten die emakumeei».

Garciaren ustez, lehen «ezkutuan» geratzen ziren erasoak «askoz ere era basatiagoan» gertatzen dira orain, eta gorakada horrek zerikusia du hedatzen ari den «kultura agresiboarekin». Kezka agertu du giro horretan eratzen ari diren harreman ez-osasungarriekin: «Lehen eraso moduan hartzen ziren harreman batzuk normaltzat jotzen dira orain».

Salaketak jasotzen

Talde feministak «askotan» ezin izan du «ezer egin» eraso matxisten aurrean, biktimak «ez duelako salatu nahi izaten». Egoera horrek «kezka» sortzen zion Otsemeak-eko kideei, eta kaleen eta sare sozialen bidez erasoak publiko egiteko sortu dute Entzun gaitzatela! plataforma. «Erasoak jasandakoaren anonimotasunean oinarritzen da tresna. Hori bermatzea izan da gure baldintza nagusia», nabarmendu du Garciak. Horregatik, egitasmo horren bidez, inor ez dago bere izena ematera behartuta, eta plataformak ez du «inolako arrastorik» uzten. Erasoa salatzeko, inkesta bat bete behar da, eta bakoitzak «nahi duena» kontatzen du; ez da derrigorrezkoa galdera guztiak erantzutea.

Behin salaketa jasota, talde feministak inkestan adierazitakoa zabalduko du, salatzailearen «bertsioa distortsionatu gabe». Erasoak publiko egiten doazen heinean, «gero eta salaketa gehiago» jasotzea espero du Garciak: «Jendeak ikusten duenean ez dela horrelako erasoak jasaten duen bakarra, kontatzera animatuko da». Adierazi duenez, anonimotasunak ere bultza ditzake emakumeak erasoak salatzera.

Harrera «ona» izan du egitasmoak, baina «zabalpen fasean» dago oraindik. Kanpainaren eskuorriak eta kartelak zabaldu dituzte Amurrion, eta ikastetxeetan aurkezpenak egiteko asmoa dute, nola erabiltzen den erakusteko. Baina erasoak salatzetik harago joan daitezkeela uste du Amurrioko taldeak, eta aurrerago, «bigarren fase batean», zenbait jarduera antolatzea aurreikusten dute, besteak beste, autodefentsa tailerrak, eta neska gazteek jai giroa eta erasoak nola bizi dituzten eztabaidatzeko espazioak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Euskaraz ikasteko eskubidea aldarrikatu zuten atzo NUPeko Euskara Taldeko kideek. ©NUP-EKO EUSKARA TALDEA

Euskararen eguna: Txibiteren agendan ageri ez den ospakizuna

Ion Orzaiz

Euskararen Nazioarteko Eguna «ospatzera» deitu du Ana Ollo kontseilariak (Geroa Bai), baina gobernuak ez du ekitaldi ofizialik prestatu

Urkullu Labiren bilera batera sartzen, artxiboko irudi batean. ©J.FONTANEDA / FOKU

Datuen goraldia apaltzen ahalegintzeko jarraibideak onartuko ditu gaur Labik

Arantxa Iraola

Osasun larrialdia berriz ezarri du Urkulluk, pandemia hasi zenetik hirugarren aldiz. 16:30erako deitu du Labi bilerara

<b>Mahai ingurua.</b> Ezkerretik, Lander Muñagorri, Ihintza Ostolaza eta Joseba Ibarretxe. ©ARITZ LOIOLA / FOKU

Bolumena igo, ertzetan ere entzun dadin

Gotzon Hermosilla

Eremu erdaldunetako gazteei euskararen eta euskal kulturaren transmisioa nola bermatu aztertu dute jardunaldi batean. Zenbait adituk esan dute periferia, arazoa baino gehiago, «irtenbidea» izan daitekeela
<em>Batuz aldatu</em>-ren aurkezpena, aurtengo ekainean. ©JON URBE / FOKU

Hizkuntza politiketan eragiteko prest

Berria

Ia urte erdia pasatu da eremu askotako ia ehun eragilek adostutako 'Batuz aldatu' dokumentua aurkeztu zutenetik. Euskara eroso erabiltzeko baldintzak sortzea du helburu egitasmoak. Arloz arloko lanketari ekingo diote 2022an.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.