Eibar 1-1 Valentzia

Ale bat gehiago

Bigarren berdinketa jarraian egin du Eibarrek Ipuruan, Valentziaren aurka. Ez du norgehiagoka osoa egin
Ivan Ramis, baloiarekin, atzo, Santi Mina Valentziako aurrelaria ondoan duela, atzo, Ipuruan.
Ivan Ramis, baloiarekin, atzo, Santi Mina Valentziako aurrelaria ondoan duela, atzo, Ipuruan. JON URBE / FOKU

Aitor Manterola -

2018ko abenduak 16
Golak. 0-1: Rodrigok (29. min.). 1-1: Charlesek (56. min.). Txartel horiak: Valentziako Rodrigori. Bestelakoak. 4.491 ikusle Ipuruan. Mendebaldeko harmaila eraitsia denetik, lehen partida izan zen atzokoa

Irabazi ezin denean, ez galtzea garrantzitsua izaten da, eta horixe gertatu zitzaion atzo Eibarri, Ipuruan. Ez zuen partida osoa egin, ez zen aurreko partidetako jokoa egiteko gai izan, eta Valentziak arrisku handia eragin zion, gainera. Ez da puntu txarra atzokoa.

Gertaera askoren lotura izaten dira partidak, eta bigarrenean partida berdintzea lortu bazuen Eibarrek, aurrenekoan bizirik atera zelako izan zen. Nahiz eta ondo ekin zion lehiari, baloiaren jabe eginez eta Valentziaren zelaian jokatuz, kanpoko taldeak azkar erakutsi zion zein zuen indargunea: kontraerasoa. Hogeigarren minututik aurrera, arrisku handia eragin zuten Riesgoren atean, eta horretara heltzeko, Eibarrek ere jarri zuen berea, etxekalte izan bazen ere: hautsi egin zen, tarte handiak zeuden jokalarien eta lerroen artean, eta gainera, kanpotarrak nagusitu egin ziren zelai erdian, bigarren baloien jabe eginez. Ondorioa aukera multzoan gauzatu zen. 21. minutuan, Riesgok sekulako jauzia eginez urrundu zuen Rodrigoren errematea, eta handik bost minutura, Santi Minari itxi zizkion zulo guztiak.

Eibar itzalita zebilen, eta Valentzia argitasunez, eta 29. minutuan, alboko sake batean hasitako jokaldian, gola sartu zuen. Rodrigok egin zuen, atea parean bakarrik baloia joz. Beste bi aukera garbi ere kateatu zituen, eta gutxi behar izan zuen Valentziak partida erabakitzeko.

Eibar hobeto bigarrenean

Etxeko taldeak aldatu beharra zeuzkan gauza asko, eta bai lortu ere. Kanpotarren zelaian jokatzen hasi zen, ohiko jokoa eginez, eta aukera garbietan gauzatu ez bazuen ere nagusitasuna, lortu zuen berdintzea. VARrari esker izan zen, Gayari penaltia adierazi ziolako bideoko epaileak, eskuan ukitu ziolako Peñaren erdiraketak. Charlesek ez zuen barkatu, 56. minutuan.

Hortik aurrera, minutu onak izan zituen Eibarrek, eta Jose Angelek langara ere bota zuen baloia falta batean. Valentziak kontraeraso zitala ere atera zuen berriz amaiera aldera, baina berdinketa ez zen hautsi.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna