NEURRI BERRIAK

Berria -

2021eko urtarrilak 13

Labiren aholku batzordeak astelehenean hartutako neurriak Euskal Herriko Agintaritzaren Aldizkarian argitaratu ziren atzo, eta gaur sartuko dira indarrean Araban, Bizkaian eta Gipuzkoan. Abendutik indarrean zeuden neurri batzuk gogortu, beste batzuk bere horretan utzi, eta beste hainbat malgutuko dira. Neurri berriak otsailaren 1a arte egongo dira indarrean. Hona neurri esanguratsuenak:
Probintzia arteko joan-etorriak. Ezingo da norbera bizi den lurraldetik atera, eta ezin izango da beste probintzia batera joan. Probintziatik atera ahal izango da soilik ondorengo kasuetan eta behar bezala justifikatuta: osasun arrazoiengatik, lan egiteko, ikasteko, menpekotasun bat duten pertsonak, edota haurrak eta adinduak zaintzeko, eta jarduera profesionalak egin ahal izateko.
Eremu gorriko udalerriak. Azken hamalau eguneko intzidentzia tasa 100.000 biztanleko 500 positibotik gora duten herrietan debekatuta egongo da haietatik irtetea, baita alboko herrietara joateko ere. Udalerritik atera ahalko da soilik ezinbesteko jarduerak egiteko bada. Astelehenero eta ostegunero eguneratuko da itxita egongo diren udalerrien zerrenda.
Udalerri mugakideak. Dekretuak jasotzen du udalerri mugakideetarako joan-etorriak baimenduta egongo direla, nahiz eta udalerri horiek beste probintzia batean egon. Salbuetsita egongo dira mugakide diren udalerrien arteko joan-etorriak, baldin eta azken hamalau egunetako intzidentzia metatua 500 kasutik gorakoa bada herri horietan.
Eskola kirola: Baimenduta egongo da eskola kirola egitea, baina soilik entrenamenduetarako, gehienez sei laguneko taldeetan eta aldagelarik erabili gabe. Eremu gorriko udalerrietan ezin izango da eskola kirolarik egin.
Kirol jarduerak: Kirol jarduera federatuetan lehiaketak eta entrenamenduak egin ahal izango dira.
Kontzertuak: Musika eta ahots-entsegu ez-profesionalak debekatuta egongo dira.
Dantza taldeak: Dantza talde ez-profesionalek entseguak egin ahal izango dituzte.
Joko eta apustu etxeak: Ireki ahal izango dituzte; ostalaritzak dituen neurri murriztaile berberak errespetatu beharko dituzte leku horietan.

.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Naizen, yo sé quién soy

Errealitatea lau haizeetara zabaltzeko abestia

Iosu Alberdi

Naizen elkarteak Naizen, yo sé quién soy kantua aurkeztu du, haur eta gazte transexualen errealitatea erakusteko. 

Ertzaintzaren autoak Donostian, atzo. ©Gorka Rubio / Foku

Ertzaintzak Donostiako Parte Zaharra hartu du berriz

Berria

Segurtasun Sailaren arabera, botilak jaurti dizkiete agenteei. Auzoko Gazte Asanbladak, ordea, ukatu egin du istilurik egon izana. Hamar lagun identifikatu dituzte. Pasaian, berriz, gazte bat atxilotu dute.

PCR proba bat joan den urtarrilaren 8an, Zaldibarren (Biziaia). ©JAIZKI FONTANEDA / FOKU

Ospitaleratutakoen kopuruak gora egin du berriro ere azken orduetan

Gotzon Hermosilla

Positibo kopurua apur bat apaldu den arren, 1.400 kutsatuen langatik gora jarraitzen du. Osasun agintariek zazpi heriotzaren berri eman dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna