Immatrikulazioen ituna «jukutria» bat dela dio EH Bilduk

Espainiako Gobernuak eta Gotzainen Biltzarrak immatrikulazioen inguruan sinatutako ituna txarretsi zuen atzo EH Bilduk, «jukutria» bat delakoan. Itun horren arabera, Elizak immatrikulatutako 965 ondasun itzultzeko konpromisoa hartu zuten gotzainek, baina, koalizio abertzalearen esanetan, horrek praktikan eraginen duena izanen da «ia 100.000 ondasunen jabetza bidegabea legeztatzea». EAJri ere kritika egin zion, itun horri «bere babes politikoa emateagatik». Horren ordez, immatrikulazio «bidegabeak» salatzeko akordioa sinatu zuen EH Bilduk EP-IUrekin legebiltzarrean, baina ez zuen babesik lortu.