UHINETATIK TIRAKA

Ordezkoen txanda

Xabier Lasa -

2019ko uztailak 7

Ahots berrien freskura. Hara zein den udako irratiak daukan alderik benetan freskagarriena: zenbait iritzi emaile titular, ofizialak, oporretara doazela, eta ahots berriak datozkigula haiek ordezkatzera. EIko Amarauna saioan, adibidez, Ana Iruretagoienak eta Jon Intxaurragak estreinaldia egin zuten atzo (09:15). Turismoaren masifikazioa eta Elkano eta antzeko pertsonaiei buruzko berrikuspen kritikoaz jardun zuten, Nagore Telleria esatariak xaxatuta. Irratiko Whatsappa sutan jartzea lortu zuten, eta segi dezatela bide horretatik datozen larunbatetan ere.

Kixote baten agurra. Iñaki Elortza Txapas esatari mitikoak bihar zortzi lagako du irratia betirako. Eta ez nolanahi: mikrora itsatsita bere bizar zuria eta mihi joria, eta goizetik gauera konexioak eginez egunez egun, berdin alde zaharreko karriketatik, berdin frontoi zulotik. Atzo, txupinazoaren aurreko gosariarekin ekin zion kronikei. Eta segidan, Eli Eraso lankideak —Sanferminetan Azpeitiko (Gipuzkoa) Kixotea bezain klasikoa bihurtua zaigun esataria— eta biak kalean eta udaletxe barruan gertatzen zena ezin zuzenago kontatu ziguten. Euskalerria Irratiko Pello Argiñarena, Reyes Ilintxeta, Juan Kruz Lakasta eta Igor Eskuderok egin zutenaren pare.

Espainia erretratatuz. LaSextako aurkezle Cristina Pardo irribarre iraunkor eta probokatu horrenik gabe azaltzen zaigu SER katean, larunbatetan (09:35). Kontzeptu politikoen hiztegia atala dagokio, Javier del Pinoren A vivir que son dos días saioan. Politikari bat erretratatzen digu aldiro, haren adierazpen kontraesanezkoez eta polemikoez baliatuz. Jesus Gil, Marbellako (Espainia) alkate ohia eta Athletico Madrileko presidente ohiari heldu zion atzo. Xenofoboa, matxista, ustela… Nola izan ote zen posible halako aparejua horren urrun iristea, galdetzen zuen del Pinok harrituta. Pertinentea galdera, kirol kazetariei bideratu beharrekoa, Gil hil zen arte lainezatu zutenei. Eta zuzenkiago, orduan SER katea gaueko audientzien gailurrera eraman zuen De la Morenari. Pardoren irrati tarte horrek hagitz irabaziko luke politikariekin bezala kazetariekin errepaso zitala egingo balu. Materiala eta ezagutza sobera behar luke eduki Pardok; ez alferrik, Antonio Herrero, Luis Herrero eta Jimenez Losantos Copeko hiru historikoekin lan egindakoa baita gaztetan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Erandioko Akarlanda parkean aukera dago barbakoak egiteko, paseoan, korrika eta bizikletan ibiltzeko, eta eskalatzeko. ©RAUL BOGAJO / FOKU

Arnasgune bat bidegurutzean

Uxue Gutierrez Lorenzo

Bilbo hirigunetik oso hurbil eta herri ugariren bidegurutzean dago Erandioko Akarlanda parkea. Besteak beste, eskalatzeko, paseoan ibiltzeko eta barbakoak egiteko aukera dago han.

 ©IÑIGO URIZ / @FOKU

«Pedagogiak independentzia lortzen ez badu, ez dugu sekula aurreratuko»

Iker Tubia

Apalategik uste du eskolaren eraketak pedagogoen eta ikerlarien esku egon beharko lukeela. Jorge Oteiza fundazioan aurrekoen lekukoa hartu duela azaldu du.
Inaxio Esnaola kazetaria, <em>Burdinola</em> saioaren arduraduna. ©MAITE REZABAL ARREGI / IRUTXULOKO HITZA

Heavya itzuli da uhinetara

Jakes Goikoetxea

Naiz irratia heavy metalari buruzko 'Burdinola' saioa ematen hasi da, Inaxio Esnaolaren eskutik

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.