«Egiturazko» sexismoa salatu dute

Herenegun goizaldean gertatutako sexu eraso bat salatzeko, manifestazioa egin zuten atzo Errenterian (Gipuzkoa). Erasoa sufritu zuen emakumeak egunean bertan jarri zuen salaketa bikotekide ohiaren aurka, eta udalak protokoloa abiatu zuen; Segurtasun Sailak jakinarazi zuenez, bikotekide ohiak goiz hartan bertan bere buruaz beste egin zuen. Atzo iluntzean, ehunka herritar batu ziren mugimendu feministak deitutako protesta batean; udalak eta Gipuzkoako Foru Aldundiak ere babestu zuten, eta ordezkariak igorri zituzten. Indarkeria sexistak «oinarrian daukan arazo sakona» salatu zuten, besteak beste, udaleko bozeramaileek.