Urkulluk testu «bideragarri» bat eskatu du

Vocento hedabide taldearen foro batean hizlari aritu da Iñigo Urkullu Jaurlaritzako lehendakaria, legelariek estatutu berriaren testu artikulatua Eusko Legebiltzarrean aurkeztu dutenean, eta esan du «proposamen bideragarri bat egitea eta horrek ibilbide instituzionala izatea» dela kontua. Espainiako Konstituzioak babestutako eskubide historikoen «interpretazio malgu bat» beharko litzateke, haren iritziz. Horrez gain, azaldu du erabakitzeko eskubidea ez dela « hartu behar totem gisa batzuen aldetik eta tabu gisa besteen aldetik». Lehendakariak uste du estatuan sortu daitekeen jokalekua «egokia» izan ahal dela «[EAEko] autogobernu sistema bereziak lurralde eredu plural berrian» tokia izan dezan.