Mozioa aurkeztu du EH Bilduk, «epaiei aurre egiteko»

Nafarroako Legebiltzarrean mozioa erregistratu du EH Bilduren talde parlamentarioak, euskararen dekretuaren kontrako bi epaiak auzitegietan geldiarazteko xedez. Zehazki, Maria Txibiteren gobernua premiatu du helegiteak aurkeztera, lan deialdi publikoetan «euskararen ezagutza beste hizkuntzena baino gutxiago inoiz ez baloratzera», eta hori lortzeko «beharrezkoa den euskarri juridikoa ematera». Koalizio abertzaleak ohar batean adierazi duenez, Auzitegi Nagusiaren epaiek agerian utzi dute «zonifikazioa gainditzen ez den bitartean ezinezkoa izanen dela nafar euskaldunon hizkuntza eskubideak bermatzea».