Eragin Linguistikoaren Ebaluazioa hizpide izan dute azken urteetako Lurraldea eta Hizkuntza jardunaldietan. Izatez, haren bueltan garatu zuten ELE tresna ere, orain Jaurlaritzak oinarri gisa hartu duena. Hirigintzak arnasguneetan nolako eragina duen aztertu dute, eta prebentzio neurriak proposatu. Hori legean jasota, beste pauso bat eman nahi dute jardunaldian: Arnasguneen prebentziotik garapenera izango da aurtengo saioaren izenburua. «Lurgune euskaldunen eta arnasguneen garapen iraunkorra bermatzeko oinarriak» proposatuko dituzte. Eragile hauek ari dira proiektua lantzen: Kontseilua, Uema Udalerri Euskaldunen Mankomunitatea, Gaindegia eta UEU Udako Euskal Unibertsitatea.
Aurtengo saioa Azpeitian (Gipuzkoa) egingo dute, Sanagustin kulturgunean, urriaren 10ean. Izena emateko epea zabalik dago.
Lurraldea eta Hizkuntza saioa, urriaren 10ean
Iruzkinak
Ez dago iruzkinik
Ordenatu