Ekitaldi sorta, Ezkabako ihesa gogoratzeko

Maiatzaren 22an, 80 urte beteko dira 795 presok San Kristobal gotorlekutik ihes egin zutenetik. Haietako 206 tiroz hil zituzten mendian, eta 586 atxilotu egin zituzten berriz ere. Hiruk lortu zuten muga zeharkatzea. Gertakari hori gogoratzeko, hainbat egitasmo prestatu ditu Nafarroako Gobernuak. Besteak beste, mendiko ibilbide bilakatu du gotorlekuko presoek egindako ihesaldia. Ezkabatik Urepeleraino (Nafarroa Beherea), 53 kilometroko bidea egin zuten iheslari horiek. Udaberrirako, bestalde, 80. urteurrenari buruzko erakusketa bat zabaldu nahi dute. Hiru ardatzetan banatuko dute: kartzelaren historia eta hango baldintzak; presoen inguruan sortutako elkartasun sarea; eta ihesaldia bera.