Realak Valentzia jasoz ekingo dio partida sortari
Partida kopuru handi baten atarian da Reala, datozen asteetan Espainiako Ligako, Kopako eta Europa ligako neurketak jokatuko baititu etenik gabe. Valentzia izango du lehendabiziko kontrarioa, gaur (21:00, Movistar). Zuhurtziaz mintzatu da Imanol Alguacil entrenatzailea: «Ez dugu ezer egin, asko falta da, eta ez gara nahastuko. Argi dugu egunerokoa dela garrantzitsuena, eta hori Valentzia da». Teknikari oriotarrak Mikel Oiartzabal berreskuratuko du gaurko partidarako. Bigarren Mailan, berriz, Amorebietak 2-0 galdu zuen atzo Oviedori egindako bisitan. Gaur, Eibar Lugoren zelaian ariko da (16:00, Movistar).
Iruzkinak
Ez dago iruzkinik
Ordenatu