Bihar erabakiko dute Sorzabalen euroaginduaz

Parisko Dei Auzitegiak bihar erabakiko du Iratxe Sorzabalen aurka Espainiako Auzitegi Nazionalak eginiko euroagindu eskaerei buruz. Defentsak nazioarteko erakunde baten txosten bat aurkeztu du auzitegian, zeinak Sorzabali Istanbulgo Protokoloarekin eginiko beste azterketa bat berresten duen, eta torturak frogatu. 2015etik dago preso Sorzabal Frantzian. 2001ean atxilotu zuen Guardia Zibilak, eta ordukoak dira tortura salaketak.