Noiz sortua: 2019-05-30 00:30:00

Ametsa, amesgaizto

Maialen Axpe Stockholmen lehiatzekoa zen gaur, Diamantezko Ligan, baina etxean geratu behar izan du, Iberiak ez baitio utzi haren entrenatzaileari pertikak fakturatzen.
Maialen Axpe, pista estaliko Europako Txapelketan.
Maialen Axpe, pista estaliko Europako Txapelketan. VALDRIN XHEMAJ / EFE Tamaina handiagoan ikusi

Julen Etxeberria -

2019ko maiatzak 30

Egun gutxi batzuk ziren Maialen Axpek (Arrasate, Gipuzkoa, 1993) aspaldiko berririk onena jaso zuela: Diamantezko Ligako proba batean ariko zen estreinakoz, hots, atletismo bilera garrantzitsuenak biltzen dituen lehiaketan. Stockholmen lehiatuko zen, non eta hango olinpiar estadioan.

«Sekulako aukera zen. Amets bat beteko nuen». Axpe ari da hitz egiten. Lehenaldian mintzatzen da, ametsa amesgaizto bilakatu baitzaio. Gaur zen lehiatzekoa, Stockholmen, baina etxean geratu behar izan du. Iberia Espainiako hegazkin konpainiak zapuztu du haren ametsa. Iberiak atzo ez zion utzi pertikak fakturatzen Francis Hernandez Axperen entrenatzaileari. Betebehar guztiak eginda zituzten, eta gastu guztiak ordainduta. Alferrik. Hernandezi ez zioten baimenik eman pertikak hegazkinean sartzeko, ez erakusmahaian zegoen langileak lehenbizi, ezta Iberiako koordinatzaileak ere gero. Esan zioten ez zirela kabitzen. Iberiak gero zehaztu zuenez, zama moduan joan behar zuten pertikek, baina, Hernandezek azaldu zuenez, Iberiakoek aurrez esan zioten ez zegoela horren beharrik.

Madrilen gertatu zen, Barajasko aireportuan, Hernandez preseski joan baitzen hara, autoz, arazoak saihestu aldera, eta bidea gauez eginez. Eskuetan zituen Axperen pertikak —4,40 metroko luzera eta hemezortzi kiloko pisua du bakoitzak—. «Ez genuen nahi ezerk eragoztea Maialenek Stockholmen parte hartzea. Horregatik, nik neuk eraman nituen pertikak aireportura, autoan».

Handik deitu zion telefonoz Axperi, eta gertatutakoa azaldu. Esnatu berria zen, eta prest zen Loiuko aireportura abiatzeko, handik Stockholmera joateko. «Ohetik altxatu berri deitu dit Francisek, eta azaldu dit Iberiakoek esan diotela ez dagoela tokirik pertikak sartzeko, ez direla kabitzen. Baina hori ez da egia. Badakigu kabitzen direla. Inoiz ez digute egin halakorik. Erakusmahaiko langilearen eta Iberiako koordinatzailearen egoskorkeria izan da».

Axpe eta Hernandez saiatu ziren beste aukeraren bat topatzen, baina atzo Madrildik Stockholmera zihoazen hiru hegaldiak Iberiarenak edo Vuelingenak ziren, eta batean zein bestean ez zieten uzten pertikak sartzen. Baztertu egin zuten, halaber, probaren egunean bertan bidaiatzea. «Arratsaldeko bostetan hasiko da pertikako proba. Beraz, ezinezkoa da garaiz iritsi eta taxuz lehiatzea», azaldu zuen Axpek. Ez zitzaien burutik pasatu ere egin harenak ez diren beste pertika batzuekin jauzi egitea. «Jauzilari bakoitzak bere pertikak ditu. Gure pertikekin bakarrik egiten dugu salto». Ondorioak: ezin lehiatu Diamantezko Ligaren gisako proba entzutetsu batean, eta hegaldiak eta ostatuak bertan behera geratu izanak eragindako kalte ekonomikoa; 1.500 euro inguru. Hori, eta sekulako pena. «Beste egun batean gertatu izan balitz, agian ez nuen halako penarik hartuko, baina aukera bikaina zen hau. Pentsatu nahi dut etorriko dela honen buelta, eta iritsiko dela zerbait hobea. Esan diot Francisi badaezpada helikoptero bat erosi beharko dugula».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan lau pertsona hil dira COVID-19 gaitzaren eraginez, 22 positibo atzeman dituzte PCR probekin, eta bi gaixo ospitaleratu dituzte. Euskal Herrian 29.107 gaixok eman dute positibo guztira, koronabirusa atzemateko probaren bat eginda. Horietatik 2.056 hil dira. Grafikoak, albiste barruan.

Donostiako Kontxa hondartza, pasa den asteartean. ©Gorka Rubio, Foku

Hondartzen erabilera «dinamikoa» egiteko eskatu du Jaurlaritzako Osasun Sailak

Berria

Osasun Sailak eskatu du hondartzak kirola egiteko, paseatzeko eta bainatzeko erabiltzea, baina ez hondarretan geldirik egoteko. Bizkaian, Areetan, Lagan, Laidan eta Ean hartu dute hondartza «dinamikoak» ezartzeko erabakia. Lapurdiko hondartzak, berriz, maiatzaren 16an ireki zituztenetik dira «dinamikoak». Egunaren zuzeneko kontakizuna, albistearen barruan.

Mari Luz Esteban eta Elixabete Garmendia. / ©GORKA RUBIO, FOKU

«Zahartzaroari ematen zaion tratamenduaren metafora da gertatu dena»

Maider Galardi F. Agirre

Koronabirusaren krisia piztu denetik, maiz hitz egin da adinekoen zaurgarritasunari buruz, eta, oraindik, kalera irteteko mugak dituzte adinekoek. Mari Luz Esteban antropologoak eta Elixabete Garmendia kazetariak, ordea, salatu dute adinkeria dagoela, eta beharrezkoa dela nagusiagoei ahots propioa ematea.

Hilberriak jakinarazteko taula, Eibarren (Gipuzkoa). ©GORKA RUBIO / FOKU

Koronabirusak hildakoak, osasun eremuka

Berria

Arabako, Bizkaiko eta Gipuzkoako osasun eremu bakoitzean zenbat gaixo hil diren kontsultatzeko modua jarri du Eusko Jaurlaritzak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna