Albistea entzun

TELESAIL BETERANOAK

Berria -

2015eko abenduak 15

Nazioartean ez dira asko Goenkale-k adina urte iraun duten telesailak. Hala ere, badira batzuk hainbat hamarkadatan emisioan mantendu direnak:

'Coronation Street'. ITV kate britainiarrak 1960ko abenduaren 9an estreinatu zuen telesaila, eta egun programazioan mantentzen da. Manchesterko alegiazko auzo batean dago girotuta. Tony Warren izan zen sortzailea. Munduan emisioan denbora gehien daraman fikziozko saioa da.

'Eastenders'. BBCk 1985eko otsailaren 19tik ematen du. Erresuma Batuan ikusle gehien duten saioen artean dago. Londresko ekialdeko alegiazko herri baten eguneroko gorabeherak kontatzen ditu. Julia Smith eta Tony Holland izan ziren sortzaileak.

'Emmerdale'. 1972ko urriaren 16an estreinatu zuen ITV kateak, eta gaur egun ematen jarraitzen dute. Hasieran, Emmerdale baserrian zegoen girotuta. Protagonistak Beckindale herrixkara joan ziren gero. Kevin Laffan izan zen sortzailea.

'The Young and The Restless'. Ameriketako Estatu Batuetako CBS kateak 1973ko martxoaren 26an estreinatu zuen, eta egun antenan da oraindik. William J. Bell eta Lee Phillip Bell izan ziren sortzaileak. Wisconsin estatuko alegiazko hiri batean bizi diren familia aberats batzuk dira protagonistak.

'General Hospital'. AEBetako ABC kateak 1963ko apirilaren 1ean estreinatu zuen. Egun ematen jarraitzen dute. Frank eta Doris Hursley idazleak izan ziren sortzaileak.

'Doctor Who'. BBCko zientzia fikziozko telesailak bi aro izan ditu: lehena, 1963tik 1989ra, eta bigarrena, 2005etik gaur arte.

'Guiding Light'. Irrati nobela gisa hasi zen NBCn eta CBSn, 1937an —1956ra arte iraun zuen—. Telebistan CBSk estreinatu zuen 1952an, eta 2009ra arte iraun zuen. Guinnes errekorra du, 18.000 atalekin.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Kamisetak banatu zizkieten atzo parte hartzaileei, Maulen. ©GUILLAUME FAUVEAU

Bueltan da olatu laranja

Eire Maia Manterola

Abiatu da IV. Euskarabentura espedizioa. Gaur egingo dute lehen etapa abenturan izena eman duten 127 gazteek: Mauletik Pagolara joango dira.
Iaz, ohi baino talde gutxiagok parte hartu zuten Donosti Cupen, osasun egoera dela eta. ©MAIALEN ANDRES / FOKU

Baloiak elkartuko ditu berriz

Ane Insausti

Inoiz baino talde gehiago arituko dira 30. Donosti Cupen: 754. Etzi hasi eta larunbatean amaituko da, eta jarduera guztiak egingo dituzte berriz ere.

Bilboko erraldoiak, Mariaren Bihotza plazako aztarnategian. ©BERRIA

Erakusketa erraldoi bat

Enekoitz Telleria Sarriegi

'Bilboko erraldoiak' erakusketa Mariaren Bihotzaren plazako aztarnategian jarri dute aurten, eta irailaren 11ra arte egongo da ikusgai. 1980ko eta 1988ko hamasei erraldoi daude bertan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Berria

Informazio osagarria

Iruzkinak kargatzen...