Noiz sortua: 2019-09-29 00:30:00

Lau partida eta xede bakarra: irabaztea

Eibarrek eta Alavesek Celta eta Mallorca hartuko dituzte gaur, eta Realak eta Osasunak Sevillari eta Levanteri egingo diete bisita
Martin Odegaard, baloiarekin, Alavesen aurkako derbian.
Martin Odegaard, baloiarekin, Alavesen aurkako derbian. JUAN CARLOS RUIZ / FOKU Tamaina handiagoan ikusi

Eñaut Agirrebengoa -

2019ko irailak 29
Gaur jokatuko dituzte beren partidak Athleticek ez gainontzeko euskal taldeek. Denek ere egoera ezberdina dute sailkapenean, baina helburu bakarra izango dute gaur: hiru puntu patrikaratzea. Aste barruko jardunaldian irabazi dute Realak eta Eibarrek, eta bide onetik jarraitu nahi dute. Osasunak eta Alavesek, aldiz, azeleragailua zapaldu beharra dute, lehen jardunaldiaz geroztik garaipenik lortu gabe direnez gero.

Reala olatu aparretan dago. Hamahiru puntu batu ditu, joko bizi eta ikusgarria eginda. San Mameseko derbia albo batera utzita, Imanol Alguacilenek oso sentipen onak igorri dituzte neurketa guztietan. Irabazi egin dituzte azken hirurak, Atletico Madril, Espanyol eta Alavesen aurka. Arabarrak hankapean ibili zituzten ostegunean, eta 3-0 gailendu zitzaizkien. Motz gelditu zen markagailua, txuri-urdinek sekulako nagusitasuna erakutsi baitzuten zelaian. Horri horrela, konfiantzaz gainezka iritsiko dira gaur iluntzean Sevillaren zelaian jokatuko duten norgehiagokara (21:00). Erasoan duten kalitate guztia baliatzen saiatuko dira berriro, Martin Odegaard buru dutela. Jokatzeko moduan da Willian Jose, osatu baita Alavesen aurka sudurrean jasotako kolpetik.

Hezur gogorra da Sevilla, baina galdu egin ditu azken bi partidak. Ostegunean Eibar izan zuen borrero, Ipuruan. Gipuzkoarrek irabazteko premia larria zuten, eta lehen zati eskasa osatu arren, bigarrengoan 0-2ko emaitza iraultzeko gai izan ziren. Betiko talde oldarkor, bizi eta zorrotza itzuli zen, eta orain, nortasunari eustea da gakoa. Gaur, Jose Luis Mendilibarrenek beren zaleen aurrean jokatuko dute atzera ere; oraingoan, Celtaren aurka (14:00). Jaisteko postuak bertan dituzte oraindik, eta tartea zabaltzeko aukera ona izan dezakete galiziarren kontra. Jokalari fin askoak ditu Celtak, baina sei puntu besterik ez dauka, Eibarrek baino bat gehiago soilik. Hortaz, bi taldeek izango dute beharraren akuilua.

Osasunak ere munta handiko partida du gaur, Levanteren zelaian (18:30). Real Madrilen aurka sasoiko lehen partida galdu ondotik, aurkari zuzen baten aurka emaitza ona lortzen saiatuko dira gorritxoak. Zazpi puntu dituzte, Herrialde Katalanetako taldeak adina, beraz, neurketa estua espero da. Lehiakortasuna ari da izaten nafarren bertute nagusia, eta gaur ere aurpegia ematen saiatuko dira. Beste aurpegi batekin, hori bai, iraultza espero baita hamaikakoan. Jagoba Arrasatek zazpi aldaketa egin zituen Santiago Bernabeun, titularrek atseden hartu eta ordezkoek jokatzeko aukera izan zezaten. Horiek hala, gaur Chimy Avila, Roberto Torres eta Aridaneren txanda izango da berriro. Baliteke Oier eta David Garcia ere itzultzea, zituzten arazo fisikoak gainditu ondoren.

Garitano, ataka estuan

Golak sartzeko arazoak ditu Osasunak, Alavesek bezalaxe. Arabarrek aldarte onean ekin zioten denboraldiari, lehen hiru lehietatik bat irabazi eta bi berdinduta. Alabaina, galdu egin dituzte azken hirurak, eta, ondorioz, zalantza ugari piztu da, Asier Garitanoren etorkizuna kolokan jartzeraino. Taldeak oso itxura eskasa eman du Athleticen eta Realaren aurkako derbietan, erasoan eta defentsan, eta kirol arduradunek kezka handiz dakusate egoera. Hori horrela, neurketa erabakigarria jokatuko du gaur Alavesek, Mallorcaren aurka (16:00). Akaso, goiz da oraindik finalez hitz egiteko, baina gaurko emaitzak taldearen norabidea zehaztu lezake; eta, batez ere, entrenatzailearen patua erabaki. Mendizorrotzako harmailen babesa eta aurkariaren bolada txarra baliatu nahi dute gasteiztarrek.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Apirilaren 7an eguneratua, 14:00etan. ©BERRIA

Koronabirusaren azken datuak

Berria

Euskal Herrian 12.401 gaixok eman dute positibo koronabirusaren proba eginda. 790 hil dira. COVID-19 gaitza izandako 4.149 pertsonari eman diete alta. Grafikoak, albiste barruan.

Akordiorik gabe amaitu da eurotaldeko ekonomia ministroen bilera

Akordiorik gabe amaitu da eurotaldeko ekonomia ministroen bilera

Berria

Mario Centeno presidenteak jakinarazi duenez, bihar jarrituko dute negoziatzen. Koronabirusak eragindako kalteak arintzeko neurrien gaineko kontrola da oztopo nagusia.

EHUren Leioako campusa, artxiboko irudi batean. ©Luis Jauregialtzo / Foku

Euskal Herriko unibertsitateek 'online' amaituko dute ikasturtea

Iosu Alberdi

EHUk, Mondragon Unibertsitateak eta Deustuko Unibertsitateak gaur adierazi dute «urrutiko prestakuntza» bultzatuko dutela. NUPek eta Nafarroako Unibertsitateak aurreko astean hartu zuen erabaki hori.

Balkoitik bizilagunari begira. Txakurra paseatzera atera du auzokideak. ©CABALAR / EFE

Itxialdi garaiko inkisizioa

Ion Orzaiz

Osasun langileei eskainitako txaloez gain, beste jokabide batzuk ere azaleratu ditu konfinamenduak: besteak beste, bizikletan doazenei kargu hartzea, Poliziaren gehiegikeriak txalotzea edota, motiboak jakin gabe, paseoan dabiltzanak salatzea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna