Iker Karrerak eta Zigor Iturrietak PTL lasterketa utzi dute

Gutxi iraun du Iker Karreraren eta Zigor Iturrietaren abenturak PTL Petite trotte a Leon lasterketan. Amezketarrak eta zornotzarrak proba utzi zuten atzo, 200 kilometro inguru falta zitzaiela. Karrerak denbora zeraman oineko minez, eta, aurrera egiten saiatu zen arren, amore eman zuen azkenean. Amezketakoak, beraz, ez du nahi bezain ondo amaituko bere kirol ibilbidea. Herenegun iragarri zuen proba bukatutakoan hartuko zuela erretiroa, 43 urterekin, hamabost urtez punta-puntan lehiatu ondoren.