Udalak «inposatutako» hiri eredua salatu dute

Udalaren hirigintza politikaren aurkako manifestazioa egin zuten atzo Donostiako kaleetan, Hiria salgai lelopean. Hainbat talde biltzen dituen Donostia Defendatuz plataformak deitu zuen mobilizaziora. Azken legegintzaldian udalak hartutako hainbat neurri salatu zituzten: metroaren igarobidea, saltoki handi eta hotelen eraikuntza, gune naturalen artifizializazioa... Azpimarratu zuten erabakiok ez diotela erantzuten herritarren interes orokorrari, interes ekonomiko partikular eta jakin batzuei baizik. Hirigintza garden eta parte hartzaileago bat galdegin zuten.