Abendu hasieran, Nafarroako Gobernuak ostalaritza eta turismo sektoreentzako 25 milioi euroko laguntza deialdia jarri zuen, eta azkenean 13,5 milioi euro banatu ziren. Iragan astean, bigarren laguntza deialdia aurkeztu zuen. Bertan, lehen deialditik kanpo geratu ziren negozioak sartuko dituzte, eta, gainera, laguntzen gehienezko kopurua hirukoiztu egingo dute 25.000 eurotik 75.000 eurora arte. Bigarren deialdi honetan, gutxienez jaso daitekeen kopurua, berriz, 1.710 eurokoa da.
Laguntza jasoko dute 2019 eta 2020 artean fakturazioan gutxienez %20ko jaitsiera izan duten ostalaritzako negozioek. Oraindik ez da kaleratu deialdia Nafarroako Aldizkari Ofizialean, baina gobernuak pasatu die informazioa sektoreko eragileei. Halaber, atzo, mintegi telematikoa egin zen, deialdiaren inguruko xehetasunak eta argibideak emateko asmoz.
Hemezortzi milioi banatuko dira bigarren deialdian
Iruzkinak
Ez dago iruzkinik
Ordenatu