«Nafarroatik eta Nafarroarentzat» egindako programa izango da Navarra Hoy, Euskal Telebistak iragarri duenez. Bihartik aurrera, ostiral gauetan —22:15— emango dute ETB2 katean, Nafarroarako deskonexioan. Gaztelaniazko programa Amaiur Elizari kazetariak aurkeztuko du.
Iruñeko Baluarte jauregian aurkeztu zuten saioa, atzo. Unai Iparragirre ETBko zuzendariak zera esan zuen: «Nafarroan egon nahi dugu; jarraitzen gaituen gizarte nafarrarekin bat egin, eta gure eskaintza eta presentzia nabarmena izatea nahi dugu».
Programako zuzendaria Iñaki Redin izango da. Lantaldean ariko dira Joana Lizarraga, Nerea Larriu eta Mirentxu Iribarren ere. Estreinaldian, Elizarik Nafarroako Gobernuko presidente Maria Txibite elkarrizketatuko du. Talde politikoen bozeramaileen iritzia ere jasoko dute.
ETB2k 'Navarra Hoy' saioa emango du ostiral gauetan, deskonexioan
Iruzkinak
Ez dago iruzkinik
Ordenatu
