Etapa nagusia: 65 kilometroko esperimentua

Gaur jokatuko da Frantziako Tourreko etapa nagusia, Bagneres de Luchon eta Saint Lary Soulan arteko 65 kilometroko ibilbidearekin. Tourreko ibilbidea aurkeztu zenean arreta handiena piztu zuen etapa izan zen, esperimentu bat baita. 65 kilometro horietatik 38,3 aldapa gora dira, hiru mendate gogorretan banatuta.

Tropela aldapa gora hasiko da, eta, horregatik, sailkapen nagusiko lehen sailkatuek aurrean irteteko eskubidea izango dute. Lehenbizi Peyragudes igoko dute (1.645 metro, 14,9 kilometro eta %6,7); gero, Val Louron-Azet (1.580 metro, 7,4 kilometro eta %8,3); eta, bukatzeko, Portet beldurgarria. Tourmalet Berria deitzen diote(2.215 metro, 16 kilometroko igoera eta %8,7ko pendiza).