Albistea entzun

IRLEN SAREA

Noraezean

Gorka Julio -

2020ko uztailak 18

Efizientziaren edo errendimenduaren jendarte honetan, ausazko gertakarien desagerpena edota domestikazioa bilatzen dute, gatazka gabeko mundu bat nahi duten horiek. Gatazka gabe, egoera kontrolatu, arautu eta beraz ustiagarriago egin daitekeelakoan edo. Lortzen ari direla iruditu arren, bidean pitzadurak ere sortzen dira.

Algoritmoek kontrolatutako utopiak gure beharrak asetzeko ahalik eta frikzio gutxien behar izatea bilatuko luke. Ausari tartea kendu eta guri egokitutako aukerak edo erabakiak hartzen lagunduko digutela sinesten dute utopia horren defendatzaileek.

Dena algoritmikoki arautzen dugu (harremanak, erabakiak, erosketak...), normalitatea gero eta pertsonalizatuago batean bizitzeko. Gizaki izatetik, edo orain arte izan garenetik, zenbat aldentzen ari garen kontutan hartu gabe ari gara egiten gainera.

Normalizazio pertsonalizatu prozesu horiek hain dira bortitzak, kontrako prozesuak ere sortzen dituztela. Ausari tartea ematea garrantzitsua bilakatzen ari ote gara berriz, baina desagerrarazten saiatzen ari garen heinean?

Flaneurraren figura etortzen zait burura orduan. Flaneurrak modernitatearen pertsonaiak ziren, kalez kale, noraezean, helbururik gabe zebiltzan, baina bidean topatzen zituen gorabehera eta inpresio guztietara irekita zeuden pertsonaiak ziren.

Gure esperientzia fraktala, brokoli baten parekoa da orain. Lehen urrun egin behar genituen gauzak, gertuago aurkitu behar ditugula konturatu gara. Gehiago da, gero eta atentzio gehiago jarri gauza txikietan, gauza handi eta urrunetan bilatzen genuen hori ere aurki dezakegula dakigu orain.

Nahi gabe, espero gabeko gauzekin topatzea aldiz gero eta zailago egiten zaigu. Bakardadearekin gertatzen den sentsazio antzeko bat da oraingoz, noizean behin nahi duzun zerbait, baina aukeratua bada.

Eta, mundu honetan, Randonautica.com bezalako sakelako aplikazioak agertzen dira. Zure ingurunean, ausazko puntu bat eman eta bertan zerbait berezia topatuko duzunaren promesa egiten duten aplikazioak. Fenomeno sozial txiki bat (ziurrenik efimeroa) ere bihurtu dena.

Ausazko gertakariak, topatzearen behar hori asetzeko, sakeleko aplikazio bat behar dugu orain. Algoritmoek araututa, ausazko gertakariak topatzen ibiltzeak, gure jendartearen benetako noraeza erakutsi nahiko baligu bezala.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hemeretzigarren Glisseguna aroak mugatu badu ere, surf egin ahal izan dute goizean, Iban Iturbiderekin. ©GUILLAUME FAUVEAU

Glisseguna, urak atzemana

Ainize Madariaga

Seaskak eta Miarritzeko eta Angeluko ikastolek antolaturiko hemeretzigarren Glisseguna aroari moldatu behar izan zaio: giro baikorrean, goizean surfean bakarrik aritu ahal izan dira.
 ©MAIALEN ANDRES / FOKU

«Ikusten ikastea da margolaritza»

Enekoitz Telleria Sarriegi

Erretiroa hartu du Telleriak: margo denda itxi du, eta eskolak emateari utzi dio. Baina margotzeari, ez. 'Arimaren margolariak' telebista saioan egin zen ezaguna, baina 50 urteko ibilia darama jada artearen munduan. «Esperimentatzen» jarraitu nahi du.
Iñigo Vicens eta Lur Errekondo, <em>Naufragoak</em> saioko aurkezleak, Gazteizko FesTVal jaialdian. ©EITB

'Naufragoak' abentura saio berria, Karibeko uharte galduetatik ETB1era

Olatz Silva Rodrigo

Asteartean estreinatuko dute 'reality'-a. Lur Errekondok eta Iñigo Vicensek aurkeztuko dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.