Noiz sortua: 2019-09-29 00:30:00

ANALISIA

Ezkutaketan

Arantxa Iraola -

2019ko irailak 29

Zinemaldiko alfonbra gorriak sortu ohi duen liluraz haragokoak erakusteko asmoz, ohikoak izaten dira aldarrikapenak Donostian egun horietan: alfonbra azpietan gorde nahi izaten diren arazoen erakusgarri izaten dira sarri askotan. Aurten, Gipuzkoako zahar etxeetako langileek hartu dute kalea. Urtebete baino gehiago daramate lan itunaren aldeko borrokan, eta, egunotan ELAk deituta greban daudela nabarmendu nahian, zinearen festaren plazara eraman nahi izan dituzte zahartzaroa eta mendekotasunak: erkinduta dauden gizon-emakumeen premiak, haien zaintzaileen eskakizunak oinarri hartuta. Ulertzekoa da zarata egin nahi izatea; izan ere, gatazka bideratzeko elkarrizketak guztiz trabatuta daude, eta, herrialdeko zahar etxeetan toki gehienak itunpekoak badira ere —Gipuzkoako Foru Aldundiak eskainiak, hain justu— instituzio horrek gatazkaren hasieran zuen jarreran irmotuta jarraitzen du gaur oraino: auzia patronalek eta sindikatuek konpondu behar dutela adierazi du behin eta berriro. Publikoki, beti hori izan da mezua.

Lehengo astean, Gipuzkoako Batzar Nagusietako osoko bilkuran, jarrera horretan gotortuta agertu ziren foru gobernuko ordezkariak. Lander Ugartemendia jeltzaleak fermuki defendatu zuen diputazioaren jarrera: «Gure helburu nagusia sistemaren jasangarritasuna bermatzea da, gizarte politikak aurrera eraman ahal izateko». Agintariek bazterrean utzi ezin duten aldagaia da zinetan «jasangarritasuna», baina gatazka hau aztertzen hasi orduko burura datorren galdera da nola konpon daitekeen auzia finantzaketaren ardura duen erakundeak esku hartu gabe. Argudia daiteke ameskeria dela zaintza sistema ulertzeko beste era bat, politikarako goiburu errazak bilatzen dituzten ezkerreko ordezkarien aldarri hanpatu bat, baina PPko batzarkide Juan Carlos Canok berak agerian utzi zuen bilkuran aldundiaren jarreraren kontraesana. «Gipuzkoako Foru Aldundia ezin da ezkutaketan jolasean ibili auzi honetan», argudiatu zuen: «Hor egon behar du». EH Bilduk eta Ahal Dugu-k ere berritu egin zuten eskari hori bera. Jeltzaleek, ordea, botoen babesa zutela gogoratu zuten: ongi ari direla argudiatu zuten.

Geroak dakartzan erronka handienetako bat da populazioaren zahartzea. Kuantitatiboki. Eta kualitatiboki. Zahartzarorako gurari berriak ernaltzen ari dira, eta horiei erantzun egin beharko zaie. «Garrantzitsua da osasuna, baina beste desio asko daude», azaldu du Marije Goikoetxea etikan adituak uda honetan, BERRIAko elkarrizketa batean, zaharrei ematen zaien arta hizpide. Desio horiei erantzuteko Gipuzkoako Diputazioak abiatu duen Adinberri zentroaren gisako egitasmoak giltzarri izango dira. Baina langileen lan baldintzak ere lehen lerroan jarri behar dira. Ezin da ezkutaketan jardun. Arazoak alfonbra azpian ezkutatzen ere ez.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 6an eguneratua. ©BERRIA

Koronabirusaren azken datuak

Berria

Azkeneko 24 orduetan zazpi lagun hil dira COVID-19 gaitzaren eraginez. Hamalau positibo atzeman dituzte PCR probekin, eta gaixo bat ospitaleratu dute. Euskal Herrian 29.843 gaixok eman dute positibo guztira, koronabirusa atzemateko probaren bat eginda. Horietatik 2.096 hil dira. Grafikoak, albiste barruan.

Haur bat, konfinamenduan, etxean jolasten. / ©Iñigo Uriz, Foku

Astelehenetik ireki ahal izango dituzte haur eskolak Araban, Bizkaian eta Gipuzkoan

Irati Urdalleta Lete

Hiru herrialde horietako herritarrek hiruretan mugitzeko aukera izango dute. Ostalaritzan ez da gehienezko edukierarik egongo, eta barran zerbitzatzeko aukera ere izango dute. Diskotekek eta gaueko tabernek itxita jarraitu beharko dute. Hogei pertsona arte elkartu ahal izango da, bai etxean eta bai kalean.

Atzo Villabonan egin zuten bertso saiora sartzeko segurtasun neurriak. / ©Gorka Rubio, Foku

Alarma egoera amaitu ondoren ere maskarak erabiltzea beharrezkoa izango da Hego Euskal Herrian

Jon Ordoñez Garmendia

Ehun euro arteko isunak aurreikusten ditu Espainiako Gobernuak prestatu duen dekretuak, maskara erabiltzen ez dutenentzat. Urgentziazko kasuetan Osasun Ministerioak eskuduntzak bereganatzeko aukera izango du berriro.

Herritar batzuk Debako (Gipuzkoa) parke batean, elkarren arteko distanziak zainduz. ©GORKA RUBIO / FOKU

Araba, Bizkai eta Gipuzkoa artean ibili ahalko da astelehenetik aurrera

Jakes Goikoetxea

Espainiako Gobernuak jakinarazi du Hego Euskal Herria hirugarren fasera pasatzea onartu duela. Jaurlaritzak eta Nafarroako Gobernuak izurritearen kudeaketaren kontrol osoa berreskuratuko dute

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna