EKOGRAFIAK

Penaltia

Miren Manias -

2018ko apirilak 13

Astegun normala izango zen asteartekoa, Juventus eta Real Madril futbol taldeen arteko partidarik izan ez balitz. Berandu eta nekatu samar iritsi nintzen etxera. Zuzenean afaria prestatzen hasi nintzen. Txapeldunen Ligako partida zegoela banekien ere, ez nuen ordenagailurik piztu. Ezta musika entzuteko ere. Uste baino lehenago amaitu nuen, ordea. Hogeita hamar minutu falta ziren final-laurdenetako norgehiagoka amaitzeko. BT Sports zabaldu nuen, harrikoa egin bitartean partida ikusteko. Imajinatuko duzuen bezala, sekulako sorpresa hartu nuen emaitza jakitean: Real Madril 0 - Juventus 3. Italiako taldeak hiru gol eskuratuta, luzapena bultzatuko zuen. Sinetsi ezinda nengoen. Ez dut inor mintzerik nahi, baina gozamena da Real Madrileko jokalari batzuk sufritzen ikustea. Diruarekin ordaindu ezin daitekeen gauza da, partida galtzen ari direla, Cristiano Ronaldo eta Sergio Ramos taldeko jokalariak zelaian ikustea taldekideei aginduak ematen. Etsita. Gaztetatik izan naiz Bartzelonazalea eta Real Madrilen aurkako sentimendua naturala bilakatu da. Partidaren 93. minutuan norabidea aldatuko zuen gertaera jazo zen: epaileak Benatia jokalariak Lucas Vazquezi egindako penaltia adierazi zuen. Alegia, Real Madrilen alde. Aurpegia zuri jarri zitzaidan. Nire goza putzura erori zen. Bat-batean. Saltoka hasi nintzen sukaldean. Baita oihuka ere. Oroitzen dut ordenagailu eramangarriari hitz egin niola pare baten, bidegabekeria salatzeko. Epaileak entzungo balitz bezala. Etsita. Ramosek eta Ronaldok partidaren bat galtzen dutenean bezala. Igual-igual.

Penalti garbia izan zela diote askok. Nik, ordea, zalantzak ditut. Luzapenean, penalti bat? Lapurreta! Hainbat errepikapen ikusi ditut, eta epaileak erabakia hartzeko zaila izan zuela pentsatu nahi dut. Hainbat mediotan irakurri dudanez, Juventus ibili zen finen partida bukatzeko 30 minutu falta ziren arte. Diot nik italiarrek eskuratutako hiru golak horren isla direla. Madrilek gora egin zuen eta horri esker iritsi zen penaltia. Zer esango dizuet, ba, ez da bidezkoa Txapeldunen Ligako azken emaitza jokaldi zehatz batek erabaki behar izatea —are gutxiago, bezperan, zure taldea lehiaketatik kanpo geratu bada—. Minduta ote nagoen? Bai zera, futbolak hori du: mahai jokoetan bezala, zorteak bere tokia du. Zer uste duzue?

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna